21 de xuño: Voltan as Brigadas!

Finalizado hoxe o estado de alarma, está na hora de que as Brigadas voltemos ao monte. Convócannos para acudir á Área Conservada pola Comunidade de Froxán (Lousame) este DOMINGO 21 DE XUÑOSolsticio de Verán, para unha deseucaliptización en toda regra, na que tumbaremos e retiraremos os pés de eucalipto que están a invadir unha zona de carballeira e bosque de ribeira.

Nesta roga traballaremos en pequenos grupos de 6 persoas separados entre sí (cada un deles cunha persoa motoserrista) e mantendo as distancias persoais. Gozaremos do albaroque no propio monte e as anfitrioas de Froxán terán xa racións individuais preparadas para cada persoa apuntada. Enviaremos instrucións máis precisas sobre o que precisais traer (luvas, copo, garfo, garrafa) ás que debemos atender para que todo corra ben.

Para vos apuntar, é preciso, alén de estardes inscritas como Brigadistasenviar un correo electrónico a info@montescola.org ata COMO MOI TARDE o día 19 de xuñoAs prazas son limitadas e inscribirémosvos por orde. Se non estades seguras de que poderdes vir, por favor deixádeo para a próxima.

Comments are Closed

© 2020: Brigadas deseucaliptizadoras | GREEN EYE Theme by: D5 Creation | Powered by: WordPress