Entidades colaboradoras

As Brigadas deseucaliptizadoras son unha iniciativa da Asociación Ecoloxista Verdegaia, financiada polas cuotas das socias e por doazóns. O proxecto lanzouse en abril de 2018 co apoio de LUSH Charity Pot e grazas ás achegas e tempo das socias e voluntarias. Para dar continuidade ao proxecto, pensa na posibilidade de asociarte a Verdegaia ou realizar unha doazón puntual ou recorrente destinada a sustentar as Brigadas.

Fai unha doazón de 1 euro mensual

Para garantir a sustentabilidade a longo prazo das Brigadas agradecemos que te impliques contribuindo cunha doazón de 1 euro ao mes a través da plataforma Teaming. As túas doazóns axudarán a sufragar os gastos de seguros (responsabilidade civil e accidentes), adquirir árbores e ferramentas para as intervencións, dotar ás brigadas de equipos de seguranza e protección (roupa anticorte para motoserristas, luvas, …) e sufragar os albaroques cos que se premia o esforzo das brigadistas. A plataforma Teaming non aplica ningunha comisión, de modo que o 100% das doazóns van directamente para as brigadas e, ademáis, implican unha deducción fiscal de ata 50% no IRPF para residentes no Estado español (i.e, a túa doazón de 12 euros anuais desgravará 6 euros na declaración do IRPF) e de 66% para residentes no Estado francés.

Entidades colaboradoras locais

Calquera colectivo pode implicarse na organización dunha brigada comarcal ou en accións sobre parcelas concretas no ámbito local: comunidades de montes veciñais en man común, asociacións veciñais e culturais, centros escolares, grupos de sendeirismo, equipos deportivos, grupos ecoloxistas, etc. A continuación recoñecemos aquelas entidades e organizacións que teñen colaborado co proxecto das Brigadas deseucaliptizadoras. Contacta conosco escribindo a brigadas@verdegaia.org para implicarte!

Colaboración financeira

En 2019 o proxecto das Brigadas deseucaliptizadoras contou coa colaboración financeira da Deputación Provincial da Coruña, no marco do Programa de axudas a entidades sen fins de lucro para o cofinanciamento de proxectos de actividades no ámbito do medio ambiente durante o 2019 (DP0031/2019) e do Programa de axudas a entidades sen fins de lucro para o cofinanciamento de proxectos de investimentos no ámbito do medio ambiente durante o 2019 (DP0036/2019).

Patrocinios e mecenados en especie

As Brigadas deseucaliptizadoras encoraxan patrocinios e mecenados en especie de cooperativas, empresas, traballadoras autónomas e outras entidades aliñadas cos obxectivos do proxecto. Os mecenados en especie poden incluír, a título exemplificativo, maquinaria e ferramenta para a realización de traballos, árbores autóctonas de viveiro, comida e bebida para os albaroques, primas de seguros, servizos profesionais de comunicación e divulgación, etc. O mecenado en especie implica deducción dentre o 35% ao 40% no Imposto de Sociedades. As entidades patrocinadoras e mecenas serán recoñecidas publicamente, se así o desexan, nesta web, nas convocatorias enviadas ás brigadistas, nas intervencións e notas de prensa.

© 2019: Brigadas deseucaliptizadoras | GREEN EYE Theme by: D5 Creation | Powered by: WordPress