ENCE: Política e portas xiratorias

Partillar no Chuza!Partillar no FacebookPartillar no TwitterPartillar no TuentiPartillar no Digg it!Partillar no DoMelhorPartillar no Cabozo

ENCE - Manifa vs. PolíticosA ampliación da concesión ata o 2073 supón unha privatización de feito, este tipo de concesións tan estendidas no tempo fanse cun claro interese como é o de que se perda a memoria colectiva e nesa altura ninguén lembrará xa que ese é un terreo público en réxime de concesión.

Chama a atención que un grande número dos actuais integrantes do Consello de administración de ENCE tivesen antes posicións destacadas no goberno galego ou na administración central. Lembremos por exemplo a Isabel Tocino (ministra de Medio Ambiente entre 1996 e 2000); Carlos del Álamo (conselleiro de Medio Ambiente da Xunta entre 1997 e 2003) ou Pascual Fernández Martínez que foi Secretario de Estado de Augas e Costas do Goberno Aznar, con Jaume Matas como ministro de Medio Ambiente. Todos eles tiveron que adoptar durante os seus mandatos decisións que afectaron á actividade de ENCE e as súas regulacións e controis ambientais.

María José Echevarría, subdirectora xeral de Coordinación Ambiental da Xunta é na actualidade a esposa do director da fábrica de Ence-Pontevedra, Antonio Casal, polo que existía un conflito de intereses xa que a mencionada subdirección xeral “é xuíz e parte dos procesos abertos con respecto a ENCE”, en particular sobre a tramitación da Autorización Ambiental Integrada. E ademais, esta subdirectora xeral foi nomeada no ano 2002 por un conselleiro de Medio Ambiente (Carlos del Álamo, PP) que, como dixemos, actualmente pertence ao Consello de Administración da empresa.

Powered by Bullraider.com