Lobo vivo - Lobo Protexido. Manifestación polo fin da matanza de lobos ibéricos

LoboVivo-LoboProtegido-2017Un ano despois dunha histórica manifestación en defensa do lobo ibérico, esta especie emblemática séguese a desangrar, e a necesidade de reclamar a súa protección dende a rúa é máis urxente se cadra.

O lobo é o controlador natural dos herbívoros salvaxes, e a súa presenza garante a saúde dos ecosistemas, por isto a Unión Europea declarouno especie de interese comunitario. A convivencia entre unhas actividades gandeiras respectuosas co seu medio natural e a fauna salvaxe debería ser unha prioridade das políticas para o mundo rural, pero isto non é así.

Ao norte do Douro, as autoridades fomentan auténticas campañas de exterminio, mentres o negocio da morte do lobo mantense para diversión dunha elite e para enriquecemento, a miúdo ilegal, dos tratantes da morte da fauna. O lobo está protexido en Portugal, pero cada vez que os lobos portugueses entran en España son matados a tiros. Incluso nos Parques Nacionais os xestores prestan oídos a intereses privados que piden a morte da fauna silvestre. O lobo está protexido ao sur do Douro, pero as autoridades favorecen a súa persecución amparándose en supostas excepcións.

Engadir comentario (0)

Ler máis...

Matar por deporte?

Supercopa raposo 2017Nesta fin de semana, o día 4 de febreiro, vai ter lugar un novo campionato de caza do raposo, que vai provocar o sufrimento e a morte inxustificada destes animais (ou dos que quen participe teña a ben matar). Dende Verdegaia apoiamos tradicionalmente as mobilizacións e protestas contra este tipo de actividades que fan da morte de animais unha diversión cruenta, neste caso baixo a etiqueta do deporte e a vida saudábel (así se promociona o evento!).

Queremos animarte para que sexas ti tamén quen deas o paso de queixarte ante a Xunta, que non só permite, senón que patrocina esta actividade empregando polo tanto o diñeiro de todas para este fin.

Podes dirixirte á Dirección Xeral de Conservación da Natureza, da Consellería do Medio Ambiente ou á Secretaría Xeral para o Deporte, en tanto reguladoras e patrocinadoras da actividade. Para preparar (formulario) ou presentar vía dixital a túa queixa preme nesta ligazón para elaborar e presentar unha queixa

Engadir comentario (0)

Ler máis...

O Grupo Socialista propón a revisión do catálogo das especies invasoras

Imaxe invasorasEstes días sorprendeunos na prensa a nova de que o Partido Socialista quere propor un cambio a nivel estatal na lexislación de especies invasoras "para garantir as actividades deportivas e empresariais e evitar unha importante afección económica para moitos municipios rurais, ao restarlles ingresos polo desenvolvemento de actividades turísticas e de recreo."

Con esta declaración de intencións, ábrese a veda unha vez máis á modificación dun catálogo de especies invasoras que xa sufriu varias transformacións para adaptarse aos intereses duns poucos (principalmente ao poderoso sector da caza e a pesca).

Engadir comentario (0)

Ler máis...