Carta aberta á FAO sobre a definición de bosque
- Detalles
- Publicado o Martes, 27 Setembro 2016 10:08
- Visitas: 1617
O pasado día 21 conmemorouse o Día Internacional de Loita contra os Monocultivos de Árbores.
Como parte das accións que a nivel internacional estanse levando a cabo, o Movemento Mundial polos Bosques WRM xunto con Salva a Selva e TimberWatch difundiron unha Carta aberta á FAO á que se adheriu Verdegaia.
Malia os numerosos esforzos que se veñen facendo para que a FAO cambie a súa errónea e tendenciosa definición de bosques, que permite que un monocultivo industrial de árbores sexa chamado de “bosque”, as peticións non foron escoitadas.
A definición de bosques da FAO favorece sobre todo ás grandes corporacións da madeira e outras que promoven as plantacións de árbores a gran escala, en detrimento das comunidades que dependen dos seus territorios para o seu sustento e medios de vida.
Campaña Galiza Libre de Glifosato
- Detalles
- Publicado o Luns, 29 Agosto 2016 10:22
- Visitas: 1651
Un ano máis as estradas e vías galegas aparecen queimadas con herbicida, toneladas de substancias químicas perigosas que envelenan a auga, a terra e prexudican a nosa saúde e o medio ambiente.
Logo das manifestacións da OMS, que considera ao glifosato un probable canceríxeno, e doutras achegas, como o estudo publicado por Criigen, (Comité de Procura de Información Independente sobre Enxeñería Xenética) que fala do efecto como disruptor endocrino (xa que as formulacións comerciais conteñen coadxuvantes, que son máis tóxicos que o glifosato só), a cada paso somos máis as persoas, organizacións e administracións que rexeitamos o seu uso.
Alegacións presentadas á nova Solicitude de Autorización Administrativa e Proxecto de Execución de REGANOSA
- Detalles
- Publicado o Mércores, 15 Xuño 2016 10:45
- Visitas: 1860
As Asociacións, Entidades e Partidos Políticos:
ADEGA, A. C. Fuco Buxán, A.VV Cuco Ruiz Cortazar de Caranza, A.C. Muiño do Vento de Canido, Confraria de Pescadores de Ferrol, Confraria de Pescadores San Telmo de Mugardos, EU Ferrol, EU Mugardos, Fundación Artabría, Grupo Municipal do BNG Ferrol, Iniciativa Cidadán de Mugardos, Memoria Histórica Democrática, Plaataforma dos veciños “O Cruceiro de Mehá”, PSdeG-PSOE Ferrol e Verdegaia.
Ante a publicación no BOE, o 30 de maio pasado, a apertura de información pública da Solicitude de Autorización Administrativa Previa e do Proxecto de Execución da Planta de Gas de REGANOSA
Rexistraron, no día de onte, o ESCRITO DE ALEGACIÓNS, ante o Ministerio de Industria, sinalando como cuestión previa: