As brigadas deseucaliptizadoras bótanse ao monte

Brigadas DeseucaliptizadorasHai uns días recibíamos a boa nova de que a candidatura presentada conxuntamente pola Sociedade Histórica e Cultural Coluna Sanfins, a Comunidade do Monte Veciñal de Froxán e Verdegaia ao programa de axudas a proxectos de conservación da EOCA de axudas e proxectos de conservación resultaba ganadora na categoría de forestal.

Desde Verdegaia queremos mostrar o noso agradecemento público a tódalas persoas  que apoiaron esta iniciativa votándoa e divulgándoa, e facendo así posible este éxito.

Hoxe queremos anunciar tamén o lanzamento público do proxecto de Brigadas deseucaliptizadoras promovido por Verdegaia.

O próximo sábado 21 de abril botámonos ao monte, coa nosa primeira xornada de traballo. Será na Área Conservada pola Comunidade Veciñal de Froxán, en Lousame.

Esta intervención, a primeira das programadas en Froxán, levarase a cabo en varios hábitats de interese comunitario e interese prioritario, e realizarase de maneira sinérxica coas iniciativasde restauración de hábitats degradados promovidas pola Comunidade do Monte Veciñal en Man Común de Froxán e a Sociedade Histórica e Cultural «Coluna Sanfins».

Engadir comentario (0)

Ler máis...

10.000 árbores autóctonas máis para Froxán. O teu apoio para froxanizar Galiza!

actu 3-1-O proxecto de conservación dos montes de Froxán foi preseleccionado de entre 150 de todo o mundo para competir con outros 13 nunha votación pública global que finalizará o 23 de marzo.

-Calquera persoa pode votar polo proxecto neste link: bit.do/froxan

-A European Outdoor Conservation Association financiará con ata 30.000 euros o proxecto ambiental máis votado. No caso de Froxán o obxectivo é financiar a plantación de 10.000 árbores autóctonas.

-De Verdegaia seguimos a apoiar esta iniciativa e damos os parabéns de antemán á xente da súa comunidade de montes por todo o que xa acadaron e o que aínda pode chegar. Imaxínaste que isto se replicase noutras comunidades galegas? Para que iso pase o teu apoio agora, votando polo proxecto, pode ser importante.

Engadir comentario (0)

Ler máis...

Apoiamos a tractorada-manifestación contra o proxecto mineiro de Touro convocada para o día 25

minatourononVerdegaia reitera a oposición ao proxecto de Atalaya Mining para Touro-O Pino, por representar unha grave ameaza para esa comarca. O proxecto é devastador polos seus efectos para saúde das persoas que viven no entorno, os seus modos de vida sustentables e o medio natural. A gran cantidade de material que se prevé mover para a extracción de material destruirá a paisaxe, mobilizará partículas sólidas á atmosfera, e as voaduras previstas farán inhabitable o entorno para persoas e fauna.

O maior risco desta explotación serán as drenaxes ácidas de mina (AMD) que impedirán a estabilización dos residuos mineiros unha vez pechada a mina. As AMD afectarán aos ecosistemas acuáticos, danando a fauna; impedirán o crecemento das comunidades vexetais debido á acumulación de minerais presentes nos solos que dificultan a penetración das raíces; danaran a calidade das augas superficiais e subterráneas, o que engadido ao enorme consumo hídrico da mina porá en risco ás comunidades ao limitar ou impedir o uso da auga; e producirá problemas de bioacumulación de metais pesados que poderán afectar mesmo aos peixes e cultivos mariños da Ría de Arousa ao baixaren polo río Ulla.

Engadir comentario (0)

Ler máis...