Verdegaia adhÃrese a Retorna
- Detalles
- Publicado o Mércores, 18 Mai 2011 17:19
- Visitas: 524
Retorna é unha asociación sen ánimo de lucro integrada por axentes
sociais, empresas, ONG ambientais e institucións, cuxo obxectivo é
promover un modelo sostible de produción e consumo, impulsando a
recuperación e reciclaxe máximos de residuos. Como primeira iniciativa,
promove a xestión responsable dos residuos a través dun
Sistema de Depósito, Devolución e Retorno (SDDR) de envases de bebida no estado español.
Estes sistemas, complementarios aos SIG actuais, funcionan noutros países con gran éxito e índices de recuperación de ata o 98.5%.
Depósito significa que hai un valor económico asociado a cada envase, un incentivo para que ese envase volva á cadea de produción nas mellores condicións para a súa reciclaxe e que esa cantidade non é un imposto senón un adianto. Devolución significa que esa cantidade que o consumidor adiantou se lle reembolsa na súa totalidade cando entregue o envase de novo no comercio. Retorno significa que o envase volve á cadea de produción, é unha materia prima en condicións de converterse en calquera novo produto, o ciclo péchase e non hai lixo!Podes atopar máis información en retorna.org