Verdegaia denuncia o asasinato de Berta Cáceres
- Detalles
- Publicado o Xoves, 03 Marzo 2016 23:06
- Visitas: 1501
Berta era un símbolo de moitas loitas, dende o feminismo, os dereitos indíxenas e a defensa da natureza. Coordinadora do Consello Cívico de Organizacións Populares e Indíxenas de Honduras, cun papel destacado no activismo tanto antes como despois do golpe de Estado nese país. Foi asasinada na madrugada deste xoves 3 de marzo, na súa propia casa.
Deixamos aquí a ligazón ao vídeo dunha entrevista feita co gallo da concesión a Berta do Goldman no 2015, pola súa defensa do medio ambiente. Tamén a páxina da COPINH e outra ligazón coa nova da súa morte. Outro asasinato dunha defensora da vida, da vida que paga a pena vivir.
Texto de adesom para colectivos sociais, organizaçons e sindicatos sobre a “Operación Jaro”
- Detalles
- Publicado o Martes, 19 Xaneiro 2016 21:53
- Visitas: 1332
Em 30 de outubro passado, nove independentistas galegas e galegos forom detidos pola Guardia Civil numha presunta “operación antiterrorista” e acusados de dous delitos de “integraçom en banda armada” e “enaltecemento do terrorismo” que poderiam supor anos de prisom.
As detençons estiveron acompanhadas dum importante dispositivo mediático que socializou a versom policial, condenando sem juízo prévio as nove pessoas detidas, vulnerando a sua presunçom de inocencia e ocultando o impulso político do operativo policial.
O acoso sexual é delito
- Detalles
- Publicado o Xoves, 19 Novembro 2015 16:18
- Visitas: 1618
Ante o debate social aberto coa denuncia contra o presidente da Deputación de Ourense, dende o feminismo traballamos nunha resposta social ao debate aberto en relación á denuncia interposta contra José Manuel Baltar, presidente da Deputación de Ourense, por ofrecer un emprego a cambio de relacións sexuais.
Ante este suceso as mulleres da Marcha Mundial vemos con fonda preocupación que o debate social, lonxe de cuestionar ao denunciante e a violencia machista que supón exercer presión dende unha posición de poder para procurar favores sexuais, coloque o seu foco na muller que denuncia, cuestionándoa e banalizando a gravidade dunha acusación de acoso sexual e por tanto de violencia machista.
Co fin de contribuír a explicar socialmente o que significa o acoso sexual e que é outra forma de violencia machista vimos de pór en marcha unha campaña que levará por lema "O Persoal é Político. O acoso sexual é delito" mediante a cal queremos facer chegar a toda a sociedade este debate desmontando os argumentos falaces de pechalo no ámbito privado, de restarlle importancia e o peor: de criminalizar á muller que denuncia.