INICIATIVA DOS GRUPOS ECOLOXISTAS GALEGOS PARA PROHIBIR O USO DO CIANURO EN MINARíA

Este 11 de setembro representantes do movemento ecoloxista galego entregamos no Parlamento dúas iniciativas para a prohibir o cianuro en minaría, e obrigar ás mineiras a contar coas garantías suficientes para afrontar eventuais accidentes.

 

O USO DO CIANURO, UNHA LIÑA VERMELLA Cianuro-mata

 

Pretendemos que os grupos políticos con representación no Pazo do Hórreo trasladen ao ordeamento xurídico galego o contido da resolución aprobada polo Parlamento Europeo en 2010. Dita resolución pedía á Comisión que fixera efectiva a prohibición en todo o territrorio europeo das tecnoloxías mineiras baseadas no cianuro.

Engadir comentario (0)

Ler máis...

Mineira de Corcoesto, S.L. infravalorou os datos sobre o arsénico no seu proxecto

Desembocadura do Anllóns por Rozavales en FlickrUn informe científico cuestiona a clasificación dos estériles de mina como “non inertes non perigosos”, e pon de manifesto que a metodoloxía de predición e ensaio para valorar a mobilización do arsénico é claramente insuficiente, e estaría infravalorada no proxecto mineiro de Corcoesto. O estudo, feito de xeito desinteresado para a Plataforma pola Defensa de Corcoesto e Bergantiños, e asinado por doutores de Edafoloxía da Facultade de Farmacia da USC (Dr. David A. Rubinos, Dr. Francisco Díaz-Fierros e Dr. María Teresa Barral) e do Centro Universitario da defensa da Universidade de Vigo (Dr. Rosa Devesa-Rey), advirte que esta mobilización podería levar consigo graves efectos sobre o ambiente, e a saúde pública das poboacións expostas.

O arsénico presente de xeito natural nas rochas de Corcoesto presenta unha mobilidade limitada, mais dita mobilidade pode verse drasticamente incrementada polos cambios físico-químicos que se producirían coa explotación mineira. O método utilizado nos estudos de lixiviación por Edgwater, non é un método de referencia na UE, e non debería ser aceptado considerando os riscos para o ambiente e a saúde pública pola exposición ao arsénico. Recomendan que se fagan ensaios ecotoxicolóxicos cos estériles producidos a partir dos materiais da zona, e sobre a fracción do po fuxitivo (PM10) considerando os riscos asociados.

Engadir comentario (0)

Ler máis...

Verdegaia solicita a anulación da Declaración de Impacto Ambiental do Proxecto mineiro de Corcoesto

Mapa de concesións minas de ouro Na solicitude do permiso de investigación de novos terreos adxacentes ao proxecto inicialmente presentado, a mineira canadense declara a intención de tratar todo o mineral nas instalacións de Corcoesto.

A empresa mineira canadense Edgewater vén de solicitar a Industria, Enerxía e Minas a admisión do permiso de investigación de ouro Julia 2, que afecta a unha superficie adicional de 630 hectáreas nos concellos de Carballo, Cabana de Bergantiños, Coristanco e Ponteceso, e adxacente á explotación pendente de aprobación preto de Corcoesto. Dita solicitude atópase agora en exposición pública.

No plano xeral de investigación a empresa indica:

Nestes momentos é moi importante para EDGEWATER– RIO NARCEA GOLD MINES S.L., a ampliación de recursos mineiros cerca do xacemento Corcoesto, para ser transportados e tratados na planta metalúrxica de Corcoesto, maximizando desta forma a rendibilidade da planta de tratamento de Corcoesto.”

Engadir comentario (0)

Ler máis...