Verdegaia demanda máis potencia eólica para Galicia cunha ordenación eólica sustentábel

A asociación ecoloxista Verdegaia demanda máis potencia eólica para Galicia, muinhos3.jpgpero tamén que ésta non se siga a instalar á custa do patrimonio natural. A demanda da Xunta de maior potencia eólica para Galicia (6.500 MW no 2010) debería ir acompañada dun xiro ambientalista na ordenación eólica. Sen embargo, a lóxica produtivista parece ter continuidade na Consellería de Industria, así como a debilidade da de Medio Ambiente á hora de defender os espazos naturais, como indica a recente autorización de parques eólicos na serra do Suído.

Engadir comentario (0)

Ler máis...

Verdegaia presenta unha moción sobre o cambio cambio climatico nos sete principais concellos galegos

seco.jpgA asociación ecoloxista Verdegaia presenta simultaneamente nos Concellos de A Coruña, Ferrol, Pontevedra, Vigo, Lugo, Ourense e Compostela a moción Estratexia Municipal fronte ao Cambio Climático na que propón un catálogo de medidas a adoptar dende os municipios para contribuír a reducir a incidencia do cambio climático. Verdegaia considera que os Concellos deben integrar a mitigación do cambio climático nas súas políticas, o que incidirá positivamente na prevención do maior problema ambiental global e na mellora da calidade de vida da cidadanía.

Engadir comentario (0)

Ler máis...

Manifesto en Defensa da Bicicleta

O panorama nas nosas cidades é hoxe en día desolador: as rúas convertidas en couto privado dos automóbiles, cos demáis usuarios da vía pública acantoados, fuxindo do perigo. Motos a escape libre, bocinazos, atoramentos, as beirarrúas empregadas como aparcadoiro. Toneladas de asfalto en forma de autovías e circunvalacións que actúan como barreiras, foxos infranqueables que fenden barrios e paisaxes. A función orixinal da cidade como espazo socializador, de intercambio cultural e interacción humana vese afogado no medio do caos circulatorio. O peón e o ciclista son especies ameazadas, en perigo de extinción.

Engadir comentario (0)

Ler máis...