Mesa redonda: A mineria en Galicia e en América Latina

A-Mineria-en-Galiza-e-en-America-LatinaA Coordinadora Galega de ONGD e ContraMINAcción, organizan unha mesa redonda (aberta a todo o público), onde intervirían Gustavo Castro e Isabel Vilaba Seivane. Terá lugar no salón de actos da Facultade de Filosofía da USC en Santiago de Compostela mañá día 3 de maio ás 20:00. Pretendemos visibilizar que as causas, as consecuencias e as loitas que xorden ante a aprobación de proxectos mineiros depredadores aquí e noutros lugares do mundo, son as mesmas.

Gustavo Castro, activista ambientalista mexicano, compañeiro de Berta Cáceres, e que conta cunha gran experiencia na loita contra a extracción mineira (forma parte da Coordinación de la Red Mexicana de Afectados por la Minería (REMA) e do Movimiento Mesoamericano contra el Modelo Extractivo Minero (M4)). Gustavo vive dende hai uns meses no Estado español porque se veu obrigado a exiliarse do seu país ante a violencia contra activistas ambientalistas que se está a dar.

Isabel Vilalba Seivane é unha gandeira e sindicalista galega que fai parte de ContraMINAcción. Rexenta unha explotación de vacún de leite e fabas en Lourenzá, forma parte da directiva da Coordinadora Europea da Vía Campesina, e dende 2012 é secretaria xeral do Sindicato Labrego Galego.

Engadir comentario (0)

Chamamento a unha gran mobilización o vindeiro 22 de outubro en Compostela!

Lumes webAntes de nada queremos agradecerche o teu apoio nesta campaña dende os colectivos e persoas que nos temos sumado á Plataforma contra a Lei de Depredación.

Temos unha agardada pero mala nova que darche:

Antonte, día 17, o Parlamento Galego ben de aprobar a Lei de Depredación de Galiza co engañoso nome de Lei de Fomento de Implantación de Iniciativas Empresariais. Fixérono no mesmo pleno no que o Presidente da Xunta negouse a dar contas pola xestión da vaga de lumes destes días, cunha tramitación express e nun contexto especialmente delicado para o país.

É isto unha sorpresa? Non, por desgraza non o é cando sistematicamente a maioría absoluta é empregada para pasar por riba de calquera debate, argumentación, diálogo ou matiz que contraveña a visión do país que manexa o PPdG dende o Goberno. Ante isto, que facer? Calar? Deixar estar as cousas? Rendernos?

Engadir comentario (0)

Ler máis...

Por que e para que arde Galiza?

Incendio en Cabo Silleiro de Contando Estrelas en FlickrPrimeiro, a culpa é de quen pon a chama e prende o lume, mais se non houbera combustíbel non ardería nada. Con isto queremos dicir que ademais da cuestión da culpabilidade concreta no inicio dos lumes, a política forestal está a ser neglixente. Para determinar o primeiro é precisa calma e unha investigación xudicial, para o segundo, só atender á evidencia.

Galiza arde por:

  • Porque se especula co terreo e coa re-cualificación del, por iso esiximos que as zonas queimadas non poidan ser re-cualificadas, posibilidade aberta coa última Lei de Montes. Polo mesmo demandamos a non aprobación da lei #LeiDepredacionGaliza o vindeiro 17 de outubro.
  • Por terrorismo ambiental, pero de quen? Esta é unha das grandes preguntas que se abren sempre que hai vagas de incendios. O Goberno galego está a tirar de titulares grosos para agochar outras responsabilidades, por exemplo se os propios medios para as investigacións son suficientes.
  • Pola situación de deterioro do medio rural e unha mala xestión da ordenación do territorio.
  • Porque seguen a empregarse prácticas co lume que no contexto actual, social, territorial e climático, supoñen un grave risco.
  • A política do eucalipto. Por que non se inclúe como especie invasora no catalogo galego de especies invasoras? Quizais por Ence, empresa contaminadora da ría de Pontevedra? Ou por algún outro interese?
  • Porque xa case non temos especies autóctonas, nos montes do litoral galego, a maior parte do monte esta plantado co Eucaliptus, Pinus Pinaster, Pinus radiata especies pirófitas e dunha forma desordenada, que favorecen o avance dos lumes.
  • Porque a mudanza climática é unha realidade, polo que temos que tomar medidas de cara a sostibilidade do monte na Galiza.

Convidámoste a ler a nota de prensa e as medidas para loitar contra os incendios que xa propuxemos no 2013.

Engadir comentario (0)

Ler máis...