Verdegaia - Coruña
Tractorada o 7 de abril contra a mina de Corcoesto
- Detalles
- Publicado o Mércores, 03 Abril 2013 10:38
- Visitas: 246
A Plataforma pola defensa de Corcoesto e Bergantiños convoca unha tractorada para protestar contra o proxecto de mina a ceo aberta contaminante que se pretende levar a cabo en Corcoesto.
Co lema "Por un aire puro, sen arsénico nin cianuro: NON Á MINA DE CORCOESTO" todos os colectivos integrantes da Plataforma, entre os que está Verdegaia, animámosvos a mostrar a nosa oposición a un proxecto contaminante e destrutor dunha zona con figuras de protección que debemos conservar e protexer.
Se non podedes estar alí con eles, convidámosvos a facer difusión na Rede e ciberprotesta. De aquí ao domingo a Xunta de Galicia e as empresas implicadas teñen que sentir o clamor en toda Galiza contra esta desfeita demencial… Corcoesto é unha loita moi importante, pois se nos fan tragar con isto, despois han vir moitas máis por todo o país! NON PASARÁN!
Mais información no Blog da Plataforma pola Defensa de Corcoesto e Bergantiños
Podedes descargar aquí o cartaz.
Xornadas Ecofeministas: REPENSANDO A VIDA (30 de novembro)
- Detalles
- Publicado o Mércores, 28 Novembro 2012 12:13
- Visitas: 989
Os días 30 de novembro e 1 e 2 de decembro de 2012 terá lugar en Compostela un encontro para a 
reflexión sobre o ecofeminismo en Galicia. A iniciativa parte do interese de diferentes colectivos feministas, ecoloxistas e labregos —Verdegaia, Sindicato Labrego Galego, Rede Feminista Galega, Feminismos Compostela e Fiadeiras— por organizar unhas xornadas que permitan analizar as potencialidades que teñen estes movementos de traballar en conxunto.