O 16 de febreiro de 2005 entrou en vigor o Protocolo de Quioto. Este acordo internacional aplícase aos países industrializados e fixa límites ás emisións de dióxido de carbono (CO₂) e doutros gases que provocan o cambio climático. Se non se reducen drasticamente as emisións destes gases ao longo das próximas décadas, a comunidade científica advírtenos que as consecuencias ambientais, sociais e económicas serán moi negativas para o conxunto do planeta, tamén para a nosa terra.

No marco do Protocolo, España comprometeuse a non superar en máis dun 15% as emisións de gases de efecto invernadoiro que había en 1990 para 2012. Porén, en 2006 xa emitiu un 52% máis, sendo o estado europeo máis afastado do cumprimento de Quioto. Galicia contribúe a iso, pois en 2005 xa emitira un 45 % máis que en 1990.

O desafío do cambio climático, pola súa urxencia e dimensión, esixe unha resposta enérxica por parte dos poderes públicos e da cidadanía, moi especialmente nos países enriquecidos. Se ao longo dos próximos 10-20 anos non se dá esa resposta, as consecuencias do cambio climático serán moi desastrosas. O cambio climático é unha ameaza certa, mais tamén unha oportunidade para impulsar a transición cara a sustentabilidade. Cumprir o Protocolo de Quioto a través de cambios estruturais, sobre todo nos sectores da enerxía e do transporte, é unha contribución moi valiosa para unha Galicia e un mundo sustentables.

• A produción e o consumo de enerxía supoñen o 82% da contribución galega ao cambio climático

• Os Concellos galegos non se comprometen na loita contra o cambio climático

• O transporte por estrada duplicou as súas emisións de gases de efecto invernadoiro entre 1990 e 2004

• Verdegaia reclama á Xunta que corrixa a súa política enerxética para mitigar o cambio climático

• 28 organizacións, entre as que figura Verdegaia, piden á Comisión Europea que non dea a súa aprobación ao PNA 2008-2012

• A proposta de asignación de novos dereitos de emisións de CO2 beneficia ás térmicas de carbón

• Verdegaia denuncia fronte á Xunta o impacto sobre o clima das térmicas galegas

• Informe de Verdegaia sobre as térmicas de carbón galegas e o cambio climático