Verdegaia - Ferrol

Roteiro polo curso alto do Río Sor. Domingo 27 de novembro

O roteiro discorrerá polos concellos de As Pontes, Muras (Lugo), Mañón e O Vicedo. Comezaremos no cruce de A Rega, na pista que conduce a Ambosores dende a estrada As Pontes-Ortigueira. Dende aquí faremos 4,5 km de pista asfaltada que nos permitirán contemplar vistas fabulosas sobre as abas, montes e fragas que conforman a cunca do Río Sor, unha zona de alto valor ecolóxico e paisaxístico que, inexplicablemente, aínda non goza de ningunha figura de protección. O inconveniente de camiñar por pista asfaltada quedará superado polo disfrute da paisaxe.

Engadir comentario (0)

Ler máis...

Verdegaia demanda a paralización inmediata das obras da senda litoral Costa Ártabra.

Ademáis do seu impacto ambiental, o proxecto non se someteu ao preceptivo trámite de información pública. En relación ao proxecto denominado “Senda Litoral Costa Ártabra, Tramo: Sta. Comba-Campelo”, nos concellos de Ferrol, Narón e Valdoviño, Verdegaia vén de constatar o inicio das obras sen o cumprimento de todos os trámites legais pertinentes como o sometimento a información pública tanto do proxecto constructivo como do Estudo de Impacto Ambiental correspondente, lembrando que a zona afectada está integrada na Rede Natura 2000 como L.I.C. Costa Ártabra e Z.E.P.A. Costa de Ferrolterra-Valdoviño.
 

Engadir comentario (0)

Ler máis...

Unha sentenza do Tribunal Supremo reforza a protección integral da Fraga de Menáncaro, en Ferrol

O Tribunal Supremo confirmou en sentenza firme a anulación do Plan de Sectorización de Menáncaro, onde, entre outros, o actual alcalde ferrolá, José Manuel Rey Varela, pretendían a construción, en plena Fraga de Menáncaro, de 69 chalets e un hotel de luxo. Aínda que a Fraga de Menáncaro xa estaba en trámites de protección definitiva, pola acción da Comunidade Menáncaro, ADEGA, SGHN, VERDEGAIA e o Colectivo Ártabra 21, así como polas -aínda que lentas- actuacións do anterior grupo de goberno municipal, co apoio do BNG e EU -polo Eixo Verde e o inicio de expediente de modificación do PXOM-, esta sentenza vén reforzar o obxectivo de protección integral da Fraga de Menáncaro. Paradoxalmente, mesmo a propia Xunta, ao aprobar o seu Plan de Ordenación do Litoral (POL), prohíbe expresamente os desenvolvementos urbanísticos nos "Corredores". O POL sitúa grande parte da Fraga de Menáncaro nun dos corredores ecolóxicos definidos.

Engadir comentario (0)

Ler máis...

Subcategorías