Verdegaia - Ourense

21 de novembro. Roteiro polas beiras do río Arnoia (saída da aldea de Fontao)

Partillar no Chuza!Partillar no FacebookPartillar no TwitterPartillar no TuentiPartillar no Digg it!Partillar no DoMelhorPartillar no Cabozo

foto_allariz_lugar_de_encontro.jpgDentro do seu programa Vai de roteiros, Verdegaia organiza esta fin de semana un roteiro polas ribeiras do río Arnoia ao seu paso polos concellos da Merca e Allariz. É un roteiro circular que parte da aldea de Fontao. Convidámosvos a todos e todas a participar!.

Este roteiro circular parte da aldea de Fontao, no concello da Merca. Ó principio, vai río abaixo atravesando carballeiras e soutos e adéntrase nas distintas aldeas do lugar (Oxén, Olás e Pazos) ata chegar a Entrambosríos, aldea dende a cal comezaremos a remontar o río.

Despois de apreciar os bosques autóctonos bastante ben conservados e a rica arquitectura popular, poderémola confrontar coa agresión que representa a minicentral hidroeléctrica da Merca, situada no que fora unha das zonas de ribeira mellor conservadas do país. Deixándoa atrás e despois de parar nalgún dos múltiples muíños abandonados, chegaremos a Cobas e tentaremos adentrarnos na aldea da Pontermida, antiga aldea de muiñeiros, hoxe abandonada pero enclavada nunha paraxe espectacular e de difícil orografía, o que nos dará unha idea do tipo de vida que tiña a xente do lugar hai tempo.

Seguindo río arriba chegaremos, xa no concello de Allariz, ás aldeas da Portela e Magarelos, onde poderemos ver o Muíño das Escadas, hoxe restaurado e que se caracteriza por aproveitar as augas dun regueiro que desemboca a gran altura no propio río Arnoia. Logo regresaremos ao punto de partida, onde poderemos tomar algún petisco para recuperar forzas e confrontar experiencias. 

O roteiro é de dificultade media, cun percorrido duns 12 quilómetros por camiños de carro e con bastante pendente nalgúns tramos, polo que hai que vir preparados con calzado axeitado e roupa cómoda para camiñar.

 

Convidámosvos a todos/as a participar neste roteiro o domingo día 21 de novembro. A saída será ás 10:30 horas da aldea de Fontao. 

 
Para pedir información do roteiro, do lugar de saída, combinar coches, etc.: This email address is being protected from spambots. You need JavaScript enabled to view it.
Powered by Bullraider.com