Verdegaia - Vigo

II Andaina Pola Protección da Serra do Galiñeiro

Partillar no Chuza!Partillar no FacebookPartillar no TwitterPartillar no TuentiPartillar no Digg it!Partillar no DoMelhorPartillar no Cabozo
A Plataforma pola protección da Serra do Galiñeiro, da que forma parte Verdegaia, segue a realizar accións de diversa índole, encamiñadas á consecución da protección efectiva e á divulgación dos diversos valores deste prezado espazo natural. Entre as distintas actividades futuras que se realizarán destacar o domingo 18 de setembro cando terá lugar a 2ª Andaina reivindicativa Pola Protección da Serra do Galiñeiro que sairá ás 11:00 h. da Capela do Monte Aloia e que cun percorrido de aproximadamente 3 a 4 horas de duración. Pretendese convocar á cidadanía para percorrer un pequeno anaco de Serra baixo o lema "Por un monte sen eólicos" en referencia á oposición desta Plataforma ó Parque eólico de 13 aeroxeradores de 39 Mw que se pretende levantar neste espazo natural.

Resumo:

 Día: Domingo 18 de setembro de 2011

-         Saída: Capela do Monte Aloia as 11:00 h

-         Chegada: Parque Forestal do Galiñeiro (Vincios) 15:00 h

-         Ruta lineal de aproximadamente 10 km (3-4 horas)

-         Á Chegada lerase o manifesto. Poderás adquirir a túa camiseta do Galiñeiro. Faremos un xantar popular coa comida que traia cada un. Haberá música e animación.

-         Recoméndase levar:


  • Calzado cómodo.
  • Auga e comida para o final.

- Autobuses desde Vigo e Vincios. Necesaria inscrición previa *

- Zonas de aparcamento no Aloia, Galiñeiro e Prado*

 

Convoca a Plataforma pola Protección da Serra do Galiñeiro:

A Ría Non de Vende, ADEGA, A.C. Berra Val Miñor, AGA (Asoc.Galega Apicultura), Amigos da Terra, Asoc. ”Festa da Prehistoria”, Asoc. Trece Catorce, Asoc. Veciñal Casco Vello, Asoc. Veciños de Vincios, Asoc. A Groba, Asoc. Mundo Minero, C.C. As Pedriñas, C.M.V.M.C. de Chaín, C.M.V.M.C. de Couso, C.M.V.M.C. de Vincios, C.S. A Revolta, Club Escalada Montaña Azimut, Club Montañeiros Celtas, Club Peña Trevinca M.G., Clube de Montaña Xistra, Clube Espeleolóxico Mauxo, C S A Faisca, Federación A.A.V.V. Eduardo Chao-Vigo, Federación Galega Montañismo, Instituto de Estudos Miñoranos, Outrovigoéposible, Plataforma Defensa da Ría Cíes, Salvemos Monteferro, SOS Serra da Groba,Verdegaia.


 

*AUTOBUSES

  • Desde VIGO:

IDA VIGO-ALOIA. Saída as 9:30 da mañá desde a Praza de España de Vigo en dirección o Monte Aloia.

VOLTA VINCIOS- VIGO. Saída o remate do xantar e as actividades as 18:00 horas desde o polígono da Pasaxe en Vincios.

O prezo é de 5 € por persoa

  • Desde VINCIOS:

VINCIOS-ALOIA. Saída as 9:30 da mañá desde o Polígono da Pasaxe. Non hai autobús de volta xa que o punto de chegada é Vincios.

    O prezo é de 3 € por persoa

Para facer a inscrición envía os teus datos a través da web de Montañeiros celtas  e ingresa os cartos co teu nome, DNI e punto de partida na conta de Novacaixagalicia 2080 0000 72 0040260769. Si podes envia un xustificante a This email address is being protected from spambots. You need JavaScript enabled to view it. ou por fax 986 912 220.

*APARCADOIROS

Os puntos de aparcamento para coches particulares estarán sinalizados en:

  • Monte Aloia
  • Galiñeiro – Vincios
  • Prado (fronte a Capela) para quen queira deixar o coche no medio da ruta

Desta maneira podedes facer os seguintes percorridos

  • Percorrido lineal:

Se ides en varios coches aparcade un no Galiñeiro e outro no Aloia e coordinádevos para a ida e o regreso.

  • Percorrido parcial:

-         Aparcade en Prado e unídevos á marcha nese punto para regresar ao final da marcha a Prado.

-         Aparcade en Prado, unídevos á marcha nese punto, e coordinade cun segundo coche no Galiñeiro para regresar a Prado.

  • Percorrido circular:

-         Aparcade na zona do Galiñeiro coa suficiente antelación para facer o percorrido ata o Aloia e chegar á Capela ás 11:00 horas para comenzar a andaina co resto dos participantes.

-         Aparcade na zona de Prado, coa suficiente antelación para facer o percorrido ata o Aloia e chegar á Capela ás 11:00 horas para comenzar a andaina co resto dos participantes.

-         Aparcade no Aloia e comezade a Andaina ás 11:00 horas e despois regresade desde o Galiñeiro para recoller o coche.

O Coro Tradicional Cantares do Brión vai recibir aos participantes na marcha  e interpretará varias pezas no curso da foliada posterior ao xantar campestre.

 

Máis información:

-       Montañeiros Celtas 986 438 505 en horario de 19:30 a 21:30 de luns a venres

-        Tereixa 607522018

Powered by Bullraider.com