Unha iniciativa de voluntariado ambiental impulsada por Verdegaia para recuperar a biodiversidade e combatir a eucaliptización da Galiza.

FAITE BRIGADISTA!

Unha iniciativa de voluntariado ambiental para recuperar a biodiversidade e combater a eucaliptización da Galiza

Read more

As Brigadas Deseucaliptizadoras

promoven accións de restauración ambiental en áreas con valores ambientais degradados ou ameazados pola eucaliptización estando abertas á participación de persoas voluntarias e titulares de parcelas de monte



2º Encontro transfronteirizo “Vemo-nos no monte” en Meira, Moaña

Logo do éxito do primeiro encontro transfronteirizo do proxecto “Vemo-nos no monte!” organizado este verán na Serra da Estrela en Portugal, nos días 7, 8 e 9 de outubro serán as brigadistas voluntarias de Portugal as que nos visitarán para unha fin de semana de accións de eliminación de especies exóticas invasoras, formación e convivio en Moaña.

O proxeto, que conta co apoio do programa europeo Erasmus+, é unha iniciativa que parte da experiencia das Brigadas deseucaliptizadoras e que implica á a Fundación CEER (Rede de Universidades da Eurorrexión Galiza-Norte de Portugal), a Fundación Montescola e o colectivo portugués À Escuta. O 2º Encontro só é posíbel grazas ao apoio da Comunidade de Montes Veciñais en Man Común de Meira, en cuxo territorio se actuará, e do Concello de Moaña, que desta volta se prestaron a ser os anfitrións locais.

O encontro comezará na sexta-feira día 7 de tarde, na que se recibirá ás brigadistas de Portugal e se organizará un convivio no local da Comunidade de Montes de Meira. Á noitiña terá lugar no salón de plenos un primeiro debate sobre xestión do territorio, con expertas en xestión forestal, de incendios e de augas, que organiza o grupo local de ADEGA no Morrazo.

Na mañá do sábado día 8 terá lugar a roga no monte veciñal de Meira, elimando especies exóticas invasoras nunha zona de 3 hectáreas por volta de varios manantiais de auga. Será ofrecido ao fin un xantar de albaroque. Para participar é imprescindíbel, alén de estardes inscritas como Brigadistas, enviar un correo electrónico a brigadas@verdegaia.org ata COMO MOI TARDE o sábado día 24 de setembro, indicando se quedaredes a comer e se tendes previsto chegar a noite antes. As prazas son limitadas e inscribirémosvos por orde. Por favor, inscríbite só se podes vir.

Na parte da tarde, terá lugar no salón de plenos de Moaña un encontro sobre voluntariado ambiental en montes veciñais en man común, con representantes de varias comunidades que presentarán as súas experiencias. O acceso ao debate e é libre ata completar afora e non é necesaria inscripción.

No domingo día 9 de mañá organizarase un roteiro ambiental polo Monte Xaxán, coas CMVMC de Meira, Moaña e Domaio.

As brigadistas que participen en todas as actividades terán dereito a recibir un certificado do Centro de Saberes para a Sustentabilidade, recoñecido oficialmente pola Universidade das Nacións Unidas.

Contra o lume, deseucaliptiza! (7A en Froxán)

No domingo 7 de agosto continuaremos coa deseucaliptización nunha nova zona de intervención en Froxán (Lousame), ao longo do rego da Abelleira, en parcelas con acordos de custodia do territorio coa Fundación Montescola, nas que no próximo inverno plantaremos árbores nativas.

Será unha convocatoria moi especial, pois teremos conosco ás compas chilenas Verónica González e Nicolás Salazar, que dirixiron o recentemente lanzado documentario “Llamas del Despojo: Incendios del Negocio Forestal“. Durante a mañá filmarán a intervención como parte dun novo proxecto de documentario, e na parte da tarde teremos un faladoiro con elas sobre os desafíos dos incendios e dos monocultivos forestais na Galiza e no Chile. Recomendámosvos ver na casa o documentario, pois non dispoñeremos de proxector ese día.

A roga comezará ás 09:30 da mañá logo de nos encontrar nas proximidades da aldea. Apearemos os eucaliptos que quedan na parcela na que estivemos traballando o pasado 23 de xullo e acabaremos de preparar o terreno para plantar castiñeiros no inverno.

Para participar é imprescindíbel, alén de estardes inscritas como Brigadistasenviar un correo electrónico a info@montescola.org ata COMO MOI TARDE o xoves día 4 de agosto. Por favor, inscríbite só se podes vir.

Se aínda non tes a túa camisola de brigadista, lembra de avisarnos da túa talla no email para que che teñamos unha reservada. Avísanos tamén en caso de restricións alimentarias.

Xullo deseucaliptizador en Froxán

Logo do éxito da força expedicionária á Serra da Estrela, as Brigadas voltan á casa con dúas accións en Froxán (Lousame) programadas para este mes de xullo.

A primeira, no domingo 10, abrirá unha nova zona de intervención eliminando eucaliptos ao longo do rego da Abelleira, en parcelas con acordos de custodia do territoria coa Fundación Montescola, nas que no próximo inverno plantaremos árbores nativas.

A roga comezará ás 09:30 da mañá logo de nos encontrar nas proximidades da aldea. Apearemos eucaliptos para preparar o terreno para plantar no inverno. Logo do xantar de alboroque, teremos un obradoiro sobre “Montes veciñais: historia e gobernanza“, como parte do proxecto de formación Erasmus+ “Vemo-nos no monte”.

A segunda intervención terá lugar o sábado 23 e nela faremos traballos de consolidación (rozas e balizamento) dunha plantación con frondosas nativas e preparación de pozas de anfibios.

Para participar é imprescindíbel, alén de estardes inscritas como Brigadistasenviar un correo electrónico a info@montescola.org ata COMO MOI TARDE o xoves día 7 de xullo para a roga do domingo 10 e até o mércores 20 para a roga do sábado 23. Tamén podedes apuntarvos para as dúas intervencións á vez. Por favor, inscríbite só se podes vir.

Se aínda non tes a túa camisola de brigadista, lembra de avisarnos da túa talla no email para que che teñamos unha reservada. Avísanos tamén en caso de restricións alimentarias.

O proxecto “Vémonos no monte!” combatirá especies invasoras a ambos lados da raia

  • Trátase dun proxecto de formación e voluntariado ambiental con entidades galegas e portuguesas, financiado polo programa europeo Erasmus+
  • A finais deste mes as voluntarias galegas partirán para a Serra da Estrela, mentres que no fin do verán serán as de Portugal as que veñan intervir en terras galegas

Este mes estréase na Serra da Estrela o proxecto “Vémonos no monte!”, unha iniciativa de voluntariado e formación ambiental transfronteiriza que durante o próximo ano e medio realizará múltiples actuacións para combatir especies de flora invasoras en diferentes espazos naturais galegos e portugueses, con especial incidencia nas do xénero acacia.

A iniciava lánzase partindo dos catro anos de experiencia das Brigadas deseucaliptizadoras, proxecto de voluntariado lanzando por Verdegaia em 2018 e premiado internacionalmente, a través da asociación de colaboración entre a Fundación CEER (Rede de Universidades da Eurorrexión Galiza-Norte de Portugal), a Fundación Montescola e o colectivo portugués À Escuta, contando co financiamento do programa europeo Erasmus+.

Ao longo de 18 meses, “Vémonos no Monte!” desenvolverá un programa de actividades composto por xornadas de intervención teórico-prácticas sobre erradicación e control de especies exóticas, seminarios transfronteirizos e obradoiros de capacitación técnica, entre outras iniciativas que inclúen a elaboración de materiais educativos.

Do 24 ao 26 de xuño unha trintena de voluntarias galegas partirá para o Parque Natural da Serra da Estrela, onde se xuntarán con outras tantas voluntarias portuguesas para eliminar mimosas (Acacia dealbata) na Ribeira do Alvôco, nun campamento que incluirá obradoiros con investigadoras das universidades de Santiago de Compostela e Coimbra. No fin do verán, serán as voluntarias de Portugal as que devolvan a visita para unha intervención na Galiza.

Desacaciando na raia

No fin do ano terá lugar un encontro de voluntariado e formación na raia, no que un cento de voluntarias intervirán durante un campamento de fin de semana tanto nos baldíos do Parque Nacional do Gerês, do lado portugués, como nunha das comunidades de montes contigua xa dentro do Parque Natural do Xurés, do lado galego.

O proxecto parte da problemática común que supón a acacia da acacia (fundamentalmente Acacia melanoxylon e Acacia dealbata) a ambos lados da raia polo seu papel no deterioro dos ecosistemas e no aumento do risco de incendios forestais. Mediante as distintas accións permítese a troca de experiencias prácticas e a xeración de itinerarios de capacitación, fundamentalmente prácticos, que permitan actuar sobre esta problemática específica.

Información:

Brigadas Deseucaliptizadoras Portugal

Brigadas Deseucaliptizadoras Galiza

Froxán: tombamos eucaliptos o 12 de xuño

domingo 12 de xuño faremos a última das rogas para eliminar os eucaliptos da Área Conservada do Portelo da Devesa, que custodia Montescola en Froxán (Lousame). Con esta intervención acabaremos de eliminar eucaliptos da zona de 6.000 metros cuadrados nas que as Brigadas veñen intervindo desde 2020.

A roga comezará ás 09:30 da mañá e teremos como punto de encontro o Chán de Avelán (tamén coñecido como “As Minas de San Fins”, ver no Google Maps como chegar). O traballo consistirá no apeo dos últimos eucaliptos en pé e a eliminación dos rebrotes existentes.

Para participar é imprescindíbel, alén de estardes inscritas como Brigadistasenviar un correo electrónico a info@montescola.org ata COMO MOI TARDE o xoves día 9 de xuño.

As prazas son limitadas e inscribirémosvos por orde. Por favor, inscríbite só se podes vir. Se aínda non tes a túa camisola de brigadista, lembra de avisarnos da túa talla no email para que che teñamos unha reservada. Avísanos tamén en caso de restricións alimentarias.

Moeda social “A Sabia” para as brigadistas participantes

Verdegaia colabora coa moeda social A Sabia na procura de crear sinerxías entre persoas e redes sociais, comunitarias, solidarias e ambientais fomentando o consumo de proximidade baseado na confianza e o apoio mutuo, e procura favorecer o pequeno comercio e o autoemprego.

A Sabia ofrece, ás e aos Brigadistas que o desexen, unha cantidade en moeda social que poderán recibir na súa conta cada vez que participen nunha brigada como a desta convocatoria.

Para poder recibir a moeda hai que abrir unha conta na aplicación Cyclos: e enviar un email a compostela@verdegaia.org ou un correo á conta de cyclos de Verdegaia informando do seu interese en recibir a moeda.

VÉMONOS NO MONTE!

Deseucaliptización no Monte Fontelo (Monte do Estado), Ferrol, o 28 de maio

Boas, brigadistas! Logo da primeira e exitosa actuación que tivo lugar en xaneiro, volven as Brigadas ao Monte Fontelo (tamén coñecido como Monte do Estado, por ser titularidade da base naval da Graña), o próximo sábado 28 de maio.

De novo, por iniciativa das AVV de Brión e San Felipe, coa colaboración das Asociacións Betula e Xeración, continuaremos cos traballos para consolidar unha das mellores fragas autóctonas do concello de Ferrol, con espectaculares vistas sobre a ría.

Ante o perigo que supón para a súa continuidade e a rexeneración natural da fraga a cantidade de rebrotes de eucalipto e novos eucaliptos de semente, as asociacións convocantes obtiveron novamente permiso de actuación dos titulares do monte.

Na xornada do sábado 28 actuaremos na zona do cume do monte, nos bordes da fraga, onde os miles de pequenos eucaliptos de semente ameazan con substituír o monte baixo e impedir a continuidade visual sobre o conxunto da ría. As persoas participantes deberán traer roupa axeitada e luvas de traballo. Debido ao pequeno tamaño da maioría dos eucaliptos de semente non vai facer falta moita ferramenta, xa que a maioría arríncanse coa man. Mesmo así, por se algún se resistise, a organización levará machados e sachos, que estarán á disposición das persoas voluntarias, que obviamente poden traer tamén a ferramenta que consideren oportuna.

A área de traballo non ten pendente nin dificultade algunha polo que é unha xornada apta para persoas de calquera capacidade física ou con pouco afeitas ao traballo no monte,  así como crianzas e maiores.

O punto de encontro onde deixar os coches será no cruce da Cheira de Brión ás 9:00 h da mañá:

https://www.google.com/maps/@43.4784016,-8.2730547,16z

Coordenadas: 43.478441, – 8.275801

Para apuntarse é imprescindible, ademáis de estar inscrit@ como brigadista, mandar confirmación ao correo feryanezmarcelin@gmail.com (como moi tarde o 26 de maio inclusive) para facilitar o labor de coordinar á cantidade de xente participante.

Despois da actuación, sobre as 14:00 h a organización convidará ás persoas participantes a un xantar colectivo na AVV de Valón. Para iso, cada persoa terá que traer o seu propio vaso, prato e cubertos. Quen teña algún tipo de restricción alimentaria que avise no momento de apuntarse.

Agradécese a difusión desta convocatoria entre os vosos contactos.

VÉMONOS NO MONTE!

Experiencias para a erradicación de especies exóticas invasoras e restauración do bosque atlántico

A Rede Portuguesa de Estudo e Gestão de Espécies Invasoras, a Plataforma INVASORAS.PT e os proxectos LIFE STOP Cortaderia e LIFE INVASAQUA convidan a participar na “Semana sobre Especies Invasoras: Portugal & España, SEI 2022”. Este año desenvolven actividades sobre a temática das especies exóticas invasoras. A data de celebración da SEI 2022 será do 21 ao 29 de maio de 2022.

Presentamos esta actividade de Experiencias para a erradicación de especies exóticas invasoras e restauración do bosque atlántico qu se celebrará online o 26 de maio ás 17.30h. e nela participarán a Fundación Internacional para a Restauración de Ecosistemas (FIRE), A Asociación Veciñal de Lentille, a Fundación Montescola e as Brigadas Deseucaliptizadoras de Verdegaia.

Inscrición neste formulario.

4 de Xuño: Mondariz-Balneario Brigadista

En Mondariz-Balneario queremos seguir botándonos ao monte. Na roga do sábado 4 de xuño actuaremos sobre unha parcela de titularidade pública moi afectada polas vagas de incendios. No 2018 xa fixéramos unha primeira plantación por sementeira con crianzas e familias da vila. Cos anos toxo, xestas, mimosas, eucaliptos e silveiras invadiron de novo o terreo.

Desta volta o obxectivo é rematar a roga anterior: seguir limpando, cortando e desbrozando, ademáis de sementar cebada para nutrir a terra. En novembro deste mesmo ano, coa parcela preparada, convocaremos unha nova xornada, desta vez para plantar castiñeiros e carballos. Nos próximos meses faremos unha campaña de amadriñamento de arboriñas nativas para dita plantación.

Para participar é imprescindíbel, alén de estardes inscritas como Brigadistas, enviar un correo electrónico a ester.outr@gmail.com ata COMO MOI TARDE o día 2 de xuño. Lembrade que as prazas son limitadas. O punto de encontro é o estacionamento do cemiterio ás 10:00 h.

Lembramos ás brigadistas que traian roupa e calzado axeitados para o exceso de toxo; luvas, copo, prato e cubertos propios. O albaroque tamén inclúe opción vegana e daremos máis datos unha vez inscritas.

Lugar de encontro: Cemiterio de Mondariz Balneario

Moeda social “A Sabia” para as brigadistas participantes

Verdegaia colabora coa moeda social A Sabia na procura de crear sinerxías entre persoas e redes sociais, comunitarias, solidarias e ambientais fomentando o consumo de proximidade baseado na confianza e o apoio mutuo, e procura favorecer o pequeno comercio e o autoemprego.

A Sabia ofrece, ás e aos Brigadistas que o desexen, unha cantidade en moeda social que poderán recibir na súa conta cada vez que participen nunha brigada como a desta convocatoria.

Para poder recibir a moeda hai que abrir unha conta na aplicación Cyclos: e enviar un email a compostela@verdegaia.org ou un correo á conta de cyclos de Verdegaia informando do seu interese en recibir a moeda.

VÉMONOS NO MONTE!

24-26 de junho: 1ª brigada expedicionária à Serra da Estrela (Portugal)

As Brigadas deseucaliptizadoras lançam o projeto transfronteiriço “Vemo-nos no monte!” que nos próximos meses promoverá os intercâmbios de trabalho, formação, cultura e convívio entre iniciativas de combate às espécies exóticas invasoras na Galiza e Portugal.

Nos dia 24 a 26 de junho organiza-se a primeira brigada expedicionária na que 30 brigadistas da Galiza se juntarão com outras tantas voluntárias locais para uma primeira ação na Ribeira do Alvôco, freguesia de Vide, concelho de Seia, dentro do Parque Natural da Serra da Estrela.

Os trabalhos e atividades realizaram-se durante toda a fim-de-semana desde um acampamento que será estabelecido nas proximidades da aldeia das Frádigas na sexta-feira 24 de junho, sendo necessário trazer tenda própria e participar durante os três dias. Existe a hipótese de organizar a viagem em comboio desde Vigo até Coimbra, onde nos recolherá un autocarro do concelho, ou bem partilhar veículos particulares saindo desde a Galiza. Em ambos casos, a organização ajudará nas despesas de deslocamento (combustível e portagens).

Para participar é imprescindível, além de estardes inscritas como Brigadistasenviar um correio-e a info@montescola.org ata COMO MUITO TARDE o domingo 15 de maio. As vagas são limitadas a 30 pessoas por motivos logísticos e pedimos que apenas se inscrevam as brigadistas que podem confirmar a sua participação. Criará-se uma lista de espera no caso de haver mais inscrições do que vagas.

As ações formativas (temáticas por confirmar) fazem parte de uma parceria com o Centro de Estudos Euro-regionais Galiza | Norte de Portugal (CEER), Montescola e o projeto À Escuta apoiada polo programa Erasmus+. As brigadistas participantes terão direito a receber um certificado do Centro de Saberes para a Sustentabilidade, reconhecido oficialmente pola Universidade das Nações Unidas.

VEMO-NOS NO MONTE!

21 de maio: comeza a deseucaliptización en Vila Cova

As Brigadas lánzanse a deseucaliptizar un novo territorio o 21 maio da man da Comunidade do Monte Veciñal en Man Común de Vila Cova, en Lousame. A roga estará centrada na eliminación de rebrotes de eucalipto nunha zona de varias hectáreas nas que a Comunidade suprimiu os eucaliptos existentes. No inverno, darase continuidade aos traballos cunha plantación de frondosas.

A roga comezará ás 09:30 da mañá e teremos como punto de encontro o Campo de Fútbol de Vila Cova (https://goo.gl/maps/UNN8zpEpCRCEipJE9), situado ao pé da igrexa e da taberna “Vila da Cova”. Desde alí agruparémonos nos vehículos para subir ata as proximidades da zona de intervención. É importante estardes puntualmente ás 9:30, pois do contrario será difícil orientarvos para chegar ao punto de traballos.

Para participar é imprescindíbel, alén de estardes inscritas como Brigadistasenviar un correo electrónico a brigadasvilacoba@gmail.com ata COMO MOI TARDE o sábado día 14 de maio.

Na parte da tarde inauguraremos os obradoiros de formación para brigadistas que se repetirán ao longo do próximo ano nunha parcería co Centro de Estudos Eurorexionais Galiza | Norte de Portugal (CEER), Montescola e À Escuta apoiada polo programa Erasmus+. Os obradoiros versarán sobre temáticas diversas centradas no ámbito de traballo das Brigadas (técnicas de eliminación de EEI, seguridade e protección en traballos forestais, mecánica e mantemento de maquinaria forestal, gobernanza e conservación comunitaria, educación ambiental, etc.). As brigadistas participantes recibirán un certificado do Centro de Saberes para a Sustentabilidade, recoñecido oficialmente pola Universidade das Nacións Unidas. Nas próximas semanas anunciaremos a programación así como os contidos do obradoiro de 21 de maio.

As prazas son limitadas e inscribirémosvos por orde. Por favor, inscríbite só se podes vir. Se aínda non tes a túa camisola de brigadista, lembra de avisarnos da túa talla no email para que che teñamos unha reservada. Avísanos tamén en caso de restricións alimentarias.

Moeda social “A Sabia” para as brigadistas participantes

Verdegaia colabora coa moeda social A Sabia na procura de crear sinerxías entre persoas e redes sociais, comunitarias, solidarias e ambientais fomentando o consumo de proximidade baseado na confianza e o apoio mutuo, e procura favorecer o pequeno comercio e o autoemprego.

A Sabia ofrece, ás e aos Brigadistas que o desexen, unha cantidade en moeda social que poderán recibir na súa conta cada vez que participen nunha brigada como a desta convocatoria.

Para poder recibir a moeda hai que abrir unha conta na aplicación Cyclos: e enviar un email a compostela@verdegaia.org ou un correo á conta de cyclos de Verdegaia informando do seu interese en recibir a moeda.

VÉMONOS NO MONTE!

  • Vale máis unha terra con árbores nos montes que un Estado con ouro nos bancos ― CASTELAO
© 2022: Brigadas deseucaliptizadoras | GREEN EYE Theme by: D5 Creation | Powered by: WordPress