10 de agosto: eliminación de acacia no monte Isorna (Rianxo)

As Brigadas están de racha e estréanse na Comunidade de Montes Veciñais en Man Común de Isorna (Rianxo), eliminando acacia o sábado 10 de agosto nas proximidades do Souto de Isorna. A intervención vai da man do proxecto do Laboratorio Ecosocial do Barbanza do que fai parte Montescola e que organizará diversas actividades de voluntariado na comarca ao longo do próximo ano e medio.

A xornada, que comezará ás 10:00, está aberta á participación de todos os públicos e idades e ao acabar, celebraremos o tradicional albaroque no propio Souto. Desde alí están ben próximas varias praias locais.

Para vos apuntardes debedes enviar até o xoves 8 de agosto un email a info@montescola.org Pídese compromiso de participación para quen se inscriba para non malgastar recursos valiosos á hora de encomendar a comida.

VÉMONOS NO MONTE !!!