Archives

now browsing by author

 

21 de xullo: Restauración da zona húmida de Ramo Curvo e colleita de arandos en Froxán (Lousame)

Montescola organiza no domingo 21 de xullo unha xornada de voluntariado para a restauración da zona húmida do Ramo Curvo e a súa contorna, de grande valor paisaxístico e arqueolóxico, dentro da Área Conservada pola Comunidade de Froxán, en Lousame. A actuación forma parte da zona de actuación piloto do proxecto “Comunidades Activas e Paisaxes Resilientes a Incendios Forestais e Cambio Climático”, co que se busca consolidar unha paisaxe cortalumes.

Froxán foi recoñecido en 2017 polo Programa das Nacións Unidas para o Ambiente como unha das “Áreas Conservadas por Pobos Indíxenas e Comunidades Locais” (ICCA, nas súas siglas en inglés). Entre os seus espazos de interese inclúese Campo de Lamas, turbeira incluída este ano pola Xunta no Inventario de Zonas Húmidas de Galicia e situada a poucos metros da zona de intervención.

Na parte da tarde, despois do xantar de albaroque, faremos un obradoiro de cultivo e coidado de arandos e outros froitos silvestres, evidenciando as súas posibilidades para o aproveitamento multifuncional do monte. Ao finalizar, as brigadistas que queiran poderán participar nunha colleita solidaria.

A actividade está aberta a todos os públicos e a todas as idades. Podedes apuntarvos  até o venres 19 de xullo enviando un email a info@montescola.org

VÉMONOS NO MONTE !!!

27 de xullo, xornada de eliminación de acacia no monte de Paradela, Rianxo

As Brigadas deseucaliptizadoras convocan nova accións de eliminación de acacia no monte de Paradela, Taragoña (Rianxo) da man do proxecto do Laboratorio Ecosocial do Barbanza do que fai parte Montescola e que organizará diversas actividades de voluntariado na comarca ao longo do próximo ano e medio.

A actividade terá lugar na mañá do sábado 27 de xullo e centrará o seu traballo na eliminación de acacia nos mananciais da traída de augas veciñal de Paradela.

A xornada está aberta á participación de todos os públicos e dará comezo ás 10 da mañá desde Paradela, Taragoña. É necesaria inscrición para participar, que deberá realizarse enviando un mail a info@montescola.org ata o xoves 25 inclusive. Ao rematar os traballos ofrecerase xantar de albaroque ás persoas participantes.

Coordinada por Montescola –entidade a cargo das actividades de prospectiva comunitaria, voluntariado e educación medioambiental do Laboratorio Ecosocial do Barbanza–, a xornada conta tamén coa colaboración da Comunidade de Montes Veciñais en Man Común de Paradela.

 

 

30 de xuño e 13 de xullo: eliminación de acacia e eucalipto nos monte de Baroña (Porto do Son) e Campelo, Vilar e Cerqueiras (Rianxo)

As Brigadas deseucaliptizadoras convocan dúas novas accións de eliminación de eucalipto e acacia nos montes de Baroña (Porto do Son) e Campelo, Vilar e Cerqueiras (Rianxo) da man fo proxecto do Laboratorio Ecosocial do Barbanza do que fai parte Montescola e que organizará diversas actividades de voluntariado na comarca ao longo do próximo ano e medio.

BAROÑA, DOMINGO 30 DE XUÑO

Recuncamos en Baroña o 30 de xuño nunha data moi especial, na que a Comunidade presenta o seu centro de transformación de materias primas. Eliminaremos rebrotes de eucalipto por volta das instalacións do centro entre as 9:30 e as 12:30, uníndonos a continuación ao resto das actividades previstas para a xornada:

11:00 a 19:00 h Mercado de produtos locais
Coa participación de:

12:30 a 13:00 h Presentación do proxecto
Con intervencións de:

  • Rafael Saco, presidente da Plataforma pola Defensa do Monte
  • Manuel Rodríguez, director da Fundación RIA
  • Ovidio Queiruga, presidente da CMVMC de Baroña

13:00 a 13:30 h Exposición do uso dun serradoiro móbil
Coordinada pola Comunidade de montes veciñais de Baroña

13:30 a 15:00 h Degustacións e mostraxe de cociña e degustación co chef José Manuel Mallón, de pratos preparados con carne de poldro galego 100% raza autóctona.  Coa colaboración de PURAGA

17:00 a 18:00 h Degustación de produtos vexetais provenientes do monte e charla sobre obradoiros colectivos de transformación de alimentos. Coa colaboración de Asociación Daquí darredor

18:00 a 19:00h  Foliada dinamizada por grupo pandeireteiras locais Alixeiras, Bailadela, Sete linguas, Chorimas e Sonelas, xunto á banda tradicional de música Suevia do concello de Porto do Son.

Para participar na acción de voluntariado é necesario enviar un email a info@montescola.org ata o venres 28 de xullo. Ofrecerase un pincho ñás participantes ás participantes ao acabar, e ás 13:30 haberá degustación de pratos con carne de poldro de Baroña.

CAMPELO, VILAR E CERQUEIRAS, SÁBADO 13 DE XULLO

As Brigadas estréanse na Comunidade de Montes de Campelo, Vilar e Cerqueiras, eliminando acacia o 13 de xullo na parte sur do Monte do Treito / Monte Muralla, coas vistas máis espectaculares da ría de Arousa.

A xornada está aberta á participación de todos os públicos e idades e ao acabar, celebraremos o tradicional albaroque na Escola de Vilar. Ao acabar iremos a pé ata o Pozo Bastón, lugar cheo de lendas na que as brigadistas se poderán bañar logo da xornada de traballos.

Para vos apuntardes debedes enviar até o xoves 11 de xullo un email a info@montescola.org Pídese compromiso de participación para quen se inscriba para non malgastar recursos valiosos á hora de encomendar a comida.

VÉMONOS NO MONTE !!!

22 de xuño: poda e eliminación de acacia no monte de Taragoña (Rianxo)

As Brigadas deseucaliptizadoras arribamos á Comunidade do Monte Veciñal en Man Común do Fieitoso (en Taragoña, Rianxo) da man fo proxecto do Laboratorio Ecosocial do Barbanza do que fai parte Montescola e que organizará diversas actividades de voluntariado na comarca ao longo do próximo ano e medio.

A intervención terá lugar o sábado 22 de xuño de 10:00 a 14:00 e traballaremos nunha parcela do monte na que a comunidade está rexenerando unha masa de frondosas autóctonas. As participantes aprenderán a realizar podas de formación e, en simultáneo, eliminaranse exemplares de acacia negra presentes na zona.

A xornada está aberta á participación de todos os públicos e idades e contará ademais coa participación dun grupo internacional de voluntarias procedentes da conferencia de decrecemento que organiza a próxima semana a Universidade de Vigo. Ao acabar, celebraremos o tradicional albaroque con petiscos en Campo Maneiro. 

nun local próximo e, de tarde, as participantes poden quedar nalgunha das praias da parroquia como a das Cunchas ou Porrón.

Para vos apuntardes debedes enviar até o xoves 20 de xuño un email a info@montescola.org Pídese compromiso de participación para quen se inscriba para non malgastar recursos valiosos á hora de encomendar a comida.

VÉMONOS NO MONTE !!!

14 e 16 de xuño: As Brigadas chegan ao Courel para eliminar acacias

Logo do aterrador incendio de 2022 que arrasou máis de 12.000 hectáreas no Courel é o momento de actuar para evitar a propagación de focos de acacia que aumentaron a súa presenza neste espazo singular. Por iso, os días 14 e 16 de xuño as Brigadas desembarcan no Courel. Ambas as dúas actividades encádranse no proxecto “Comunidades Activas e Paisaxes Resilientes a Incendios Forestais e Cambio Climático”.

Vilamor, venres 14 de xuño

Os días 14 de 15 de xuño organízase no Courel o II Encontro Burla Verde, con faladoiros, obradoiros, concertos, circo, danza e moito máis. O groso das actividades terás lugar en Esperante o sabado 15, mais o encontro comeza oficialmente o venres 14 ás 17:00 cunha intervención das Brigadas para eliminar mimosa en Vilamor. Utilizaremos o método de descasque ao tratarse de pés de pequeno tamaño.

Logo da intervención faremos o tradicional albaroque coa veciñanza de Vilamor. Se tendes previsto quedar ao Encontro Burla Verde e/ou ao voluntariado do domingo, podedes seguir camiño para Esperante (onde hai unha zona de acompada) ou Seoane (con varios aloxamentos), ou tamén quedar esa noite coas nosas anfitrioas de Vilamor, ben no aloxamento local ou acampando pola contorna (avisade se queredes facer isto último).

Paderne, domingo 16 de xuño

domingo 16 a Asociación de Desenvolvemento Rural Serra do Courel organiza a tradicional Festa da Cantarela (ver aquí programa da edición do ano pasado). Como parte da programación da festa, ás 10:00 partiremos nun roteiro guiado pola contorna ata unha das manchas de acacia que ameazan con estenderse. Utilizaremos de novo o método de descasque. Estaremos de volta en Paderne a tempo para a inauguración da festa, coa degustación popular de tapas elaboradas con cantarela polas casas rurais do lugar e música.

Para apuntarse, o prazo límite para a actividade de Vilamor é o mércores 12 de xuño, dado que precisamos organizar o albaroque en función do número de participantes. Para a actividade do domingo en Paderne podédesvos apuntar ata o venres 14. En ambos os dous casos, o email para as incricións é info@montescola.org

VÉMONOS NO COUREL!!!

8 de xuño: eliminación de especies invasoras nos Montes do Chá (Ferrol)

sábado 8 de xuño a Asociación Comuneiros do Chá convócanos a continuar coa erradicación da invasora Helichrysum petiolare.

A técnica de erradicación é sinxela e básicamente manual polo que é moi importante que as persoas voluntarias traian luvas preferentemente de coiro pois no terreo hai brotes de toxos mesturados cos helichrysum a erradicar.

Traballaremos repasando a zona onde se actuou o ano pasado e atacaremos algún pés consolidados na contorna dos miradoiros, para estes últimos pode ser de utilidade a fouce e o sacho, a organización dispón dalgunha ferramenta máis as persoas voluntarias tamén poden traela se o desexan.

Trátase dun traballo sinxelo nun terreo de pouca pendente e desbrozado polo que a xornada é perfectamente apta para crianzas e persoas maiores. Se hai tempo farase un roteiro polas mámoas do monte e o recinto dos cabalos.

punto de encontro será ás 9:00 h no Viso (Entre san Cristobal e Martín) hai unha explanada onde deixaremos os coches, fronte a ela un camiño que sube ó Chá e a 500 m comeza a zona de actuación.
https://www.google.com/maps/place/43%C2%B028’11.5%22N+8%C2%B017’32.4%22W/@43.469865,-8.294522,17z/data=!3m1!4b1!4m4!3m3!8m2!3d43.4698611!4d-8.2923333

Para apuntarse é imprescindible, ademáis de estar inscrit@ como brigadista  http://verdegaia.org/brigadas/formulario-de-inscricion-como-brigadista mandar confirmación ó correo comunidademontesdocha@gmail.com  antes do venres 7 de xuño.

Tras a actuación sobre as 14:00 h a organización convidará ás persoas participantes a un xantar colectivo, para iso cada persoa deberá traer o seu propio vaso, plato e cubertos, quen teña algún tipo de restricción alimentaria que avise no momento de apuntarse.

 VÉMONOS NO MONTE !!!

1 de xuño: Voluntariado e ciencia cidadá para inventariar a biodiversidade do monte

O Bioblitz forma parte da iniciativa Laboratorio Ecosocial do Barbanza

Laboratorio Ecosocial do Barbanza convoca unha xornada de ciencia cidadá na que o voluntariado participante deberá identificar o maior número posible de especies de flora e fauna nun ‘bioblitz’ que terá lugar no monte veciñal de Froxán no primeiro sábado de xuño.

É necesaria inscrición para participar, que deberá realizarse enviando un mail a info@montescola.org ata o Xoves 30 de maio.

Este primeiro ‘bioblitz’ pretende ser o primeiro de varios maratóns de biodiversidade que organice o Laboratorio a través da Fundación Montescola para deste xeito descubrir e poñer en valor o rico patrimonio natural dos montes veciñais da comarca.

Esta primeira actividade realízase en Froxán, Lousame, que en 2017 foi recoñecido polo Programa das Nacións Unidas para o Ambiente como unha das “Áreas Conservadas por Pobos Indíxenas e Comunidades Locais” (ICCA, nas súas siglas en inglés). Entre os seus espazos de interese inclúese Campo de Lamas, turbeira incluída este ano pola Xunta no Inventario de Zonas Húmidas de Galicia.

A xornada estará guiada por un equipo de biólogas e biólogos voluntarias e valerase da aplicación iNaturalist, de acceso libre e gratuíto, que conta cun proxecto específico para Froxán.

O evento, aberto a todos os públicos e idades, comezará ás 10 da mañá cunha presentación da xornada e do espazo, así como da propia app para quen a utilice por primeira vez. Faremos pausa para comer a medio día, e podedes optar por vir toda a xornada, ou só pola mañá ou pola tarde.

VÉMONOS NO MONTE !!!

25 de maio: Deseucaliptización en Leiro (Rianxo)

A actividade forma parte da iniciativa Laboratorio Ecosocial do Barbanza

As Brigadas deseucaliptizadoras arribamos á Comunidade de Montes Veciñais en Man Común de Leiro (en Rianxo) da man do proxecto do Laboratorio Ecosocial do Barbanza do que fai parte Montescola e organizará diversas actividades de voluntariado na comarca ao longo do próximo ano e medio.

A intervención terá lugar o sábado 25 de maio de 9:30 a 14:00, na que machacaremos rebentos de eucalipto e descacaremos varias manchas de acacia negra (Acacia melanoxylon), nunha zona cun inmenso patrimonio arqueolóxico (máis dunha ducia de mámoas e petroglifos).

Ao acabar, celebraremos o tradicional xantar de albaroque nun local próximo e, de tarde, as participantes poden quedar nalgunha das praias da parroquia como a das Cunchas ou Porrón.

A actividade está aberta a todos os públicos e a todas as idades e debedes apuntarvos até o xoves 23 de maio enviando un email a info@montescola.org Pídese compromiso de participación para quen se inscriba para non malgastar recursos valiosos á hora de encomendar a comida.

VÉMONOS NO MONTE !!!

11 de maio: descaciamos o Araño (Rianxo)

A actividade forma parte da iniciativa Laboratorio Ecosocial do Barbanza

As Brigadas deseucaliptizadoras arribamos á Comunidade de Montes Veciñais en Man Común do Araño (en Rianxo) da man fo proxecto do Laboratorio Ecosocial do Barbanza do que fai parte Montescola e organizará diversas actividades de voluntariado na comarca ao longo do próximo ano e medio.

A intervención terá lugar o sábado 11 de maio de 9:30 a 14:00, na que descascaremos manualmente varias manchas de acacia negra (Acacia melanoxylon), próximas ao Campo da Festa (que é o punto de partida da actividade) e do monumental Hórreo do Araño, o máis grande e con maior capacidade de todo o país. Celebraremos o tradicional xantar de albaroque nun local próximo.

A actividade está aberta a todos os públicos e a todas as idades e debedes apuntarvos até o xoves 9 de maio enviando un email a info@montescola.org Pídese compromiso de participación para quen se inscriba para non malgastar recursos valiosos á hora de encomendar a comida.

VÉMONOS NO MONTE !!!

Apoia as Brigadas en Portugal votando polo proxecto “Souto do Futuro”

En 2022 e 2023 as Brigadas deseucaliptizadoras chegaron a Portugal da man da associação Veredas da Estrela. Desde aquela, Veredas leva traballando arreo no seu “Souto do Futuro”, que ven de ser pre-seleccionado como finalista para recibir financiamento da asociación conservacionista EOCA. O proxecto con máis votos de cada categoría recibirá apoio económico para desenvolver o proxecto. Votar levarache menos de 4 minutos!  (O prazo acaba o xoves 9 de maio ás 13:00.)

Co proxeto “A chestnut forest for the future” a Associação Veredas da Estrela vai recuperar un bosque de castiñeiros no Parque Natural da Serra da Estrela afectado por dous incendios consecutivos, restaurar a sua capacidade para atuar como corta-fogo verde, estabilizar os ciclos da água e do solo e fornecer alimentos para a vida salvaxe e para as comunidades. O proxecto irá plantar 6500 árbores, combater a acacia e apoiar o rexenerado natural de millares de árbores presentes. Todo iso mediante o voluntariado das Brigadas e da implicación da comunidade.

Votar é moi simple:

1. Crea unha conta na web da EOCA: https://www.eocaconservation.org/my-account/

2. Completa o código de confirmación que che chegará ao teu email.

3. Ir á categoria “forest“, escoller o proxeto “A chestnut forest for the future” e clicar en “vote now“: https://www.eocaconservation.org/our-projects/project-voting/forest/

Axúdanos votando en-liña e pedindo ás túas coñecidas para votaren!

VEMO-NOS NO MONTE !!!

© 2024: Brigadas deseucaliptizadoras | GREEN EYE Theme by: D5 Creation | Powered by: WordPress